დასაწყობება
შპს „ფარმა სოლუშენს“-ი წარმოადგენს საერთაშორისო სტანდარტების შესაბამის ლოჯისტიკური მომსახურების ცენტრს. ჩვენი სასაწყობე სივრცე სრულად აკმაყოფილებს A კლასის საწყობისთვის დამახასიათებელ ყველა მნიშვნელოვან ასპექტს, როგორებიცაა: კლიმატ კონტროლი, სახანძრო უსაფრთხოება, დაცვის სისტემა, განგაშის სიგნალები, მაღალ-სიჩქარიანი ინტერნეტი, ელექტრო ქვესადგურები და ა.შ.
A კლასის საწყობის ერთ-ერთ მთავარ უპირატესობად შეიძლება ჩაითვალოს მისი ლოკაცია. შესაბამისასდ, „ფარმა სოლუშენს“-ის ლოჯისტიკური ცენტრის ლოკაციად შეირჩა თბილისის საერთაშორისო აეროპორტის მიმდებარე ტერიტორია, რომელიც დაკავშირებულია ქვეყნის ერთ-ერთ მთავარ მაგისტრალთან(კახეთის გზატკეცილი) და ახლოს არის თბილისში არსებულ საჰაერო და სახმელეთო საბაჟო ტერმინალებთან(ლასარე, გეზი).
ამის გარდა, ვინაიდან ჩვენი ძირითადი საქმიანობა ფარმაცევტული პროდუქტების დასაწყობება და დისტრიბუციაა, ფარმა სოლუშენს-ი განსაკუთრებული სიფრთხილით და ყურადღებით ეკიდება ტემპერატურის, ტენიანობის და მედიკამენტების ხარისხთან დაკავშირებულ ყველა საკითხს. ფარმა სოლუშენსის სასაწყობე სივრცე სრულად აკმაყოფილებს ევროპული GDP(კარგი სადისტრიბუციო პრაქტიკა)-ის სტანდარტებს.
საწყობი აღჭურვილია უმაღლესი სტანდარტის ტექნიკით, რომელიც ამარტივებს სამუშაო პროცესს და მაღალ სართულიან სასაწყობე სივრცეში ოპერირებას.
ფარმა სოლუშენს-ი მომხმარებელს სთავაზობს დასაწყობებასთან დაკავშირებულ შემდეგ სერვისებს:
- პროდუქციის საწყობში მიღება და აღრიცხვა საერთაშორისო სტანდარტებისა და კლიენტის შიდა რეგლამენტების შესაბამისად
- სპეციალური კონტროლირებადი არეები ფსიქოტროპული და ნარკოტიკული პროდუქტებისათვის, ასევე ბიოლოგიური და სხვა სპეციალური პროდუქტებისათვის
- კრიტიკული დეფექტების გამოვლენისას კლიენტის ინფორმირება და შესაბამისი დოკუმენტური მხარდაჭერის შექმნა
- პროდუქციის დასაწყობება მწარმოებლის მიერ განსაზღვრულ პირობებით და პარამეტრებით - 2-8 ცელსიუსი, 15-25 ცელსიუსი და 2-25 ცელსიუსი ტემპერატურული რეჟიმები. ტემპერატურული რეჟიმების მართვის კვალიფიკაცია და ვალიდაცია
- დასაწყობებული პროდუქციის შენახვის ტემპერატურის/ტენიანობის 24-საათიანი მონიტორინგი და განსაზღვრული პარამეტრების დარღვევის შემთხვევაში განგაშის სიგნალის (სატელეფონო ზარი, მესიჯი) ავტომატური გაგზავნა
- პროდუქციის მარაგების მართვა
- პროდუქციის სხვადასხვა პოზიციების გადასატვირთად მომზადება (Picking) კლიენტისაგან შესაბამისი ინსტრუქციის მიღებიდან 1 საათში
- პროდუქციის კლიენტისათვის გადაცემა საერთაშორისო სტანდარტებით გათვალისწინებული და კლიენტის შიდა რეგლამენტების შესაბამისად
დისტრიბუცია
კომპანია, ქვეყნის მასშტაბით მედიკამენტების გადაზიდისთვის იყენებს 2 პალეტიდან 20 პალეტამდე მოცულობის ავტომანქანებს. მაქსიმალური ოპტიმიზაციისთვის, მანქანის შერჩევა ხდება კონკრეტულიტვირთის რაოდენობისა და მარშრუტის გათვალისწინებით.
კარგი სადისტრიბუციო პრაქტიკის ერთ-ერთი ყველაზე მნიშვნელოვანი ასპექტია მოძრაობის ჯაჭვის უწყვეტობა, პროდუქტის წარმოების მომენტიდან, მის საბოლოო მომხმარებლამდე ისე, რომ არ დაიღვეს მწარმოებლის მიერ მედიკამენტისთვის განსაზღვრული პარამეტრები. ამისათვის აუცილებელია დისტრიბუცია განხორციელდეს შესაბამისი ტემპერატურული რეჟიმით და საერთაშორისო სტანდარტების მიხედვით განსაზღვრული წესების დაცვით.
ფარმა სოლუშენს-ი მედიკამენტების მიწოდებას ახორციელებს მთელი ქვეყნის მასშტაბით. კონკრეტული პარტნიორი ფარმაცევტული ბროკერის მოთხოვნების შესაბამისად.
დამატებითი სერვისები
„ფარმა სოლუშენს“-ის სერვისებით საგებლობისას, მომხმარებლებს ჩვენს მიერ შეთავაზებული ძირითადი სერვისების გარდა, შეუძლიათ ისარგებლონ შემდეგი დამატებითი სერვისებით:
- სასურველი პროდუქტის იმპორტი და საბაჟომდე ტრანსპორტირება კლიენტთან შეთანხმებული რეგულარობით
- საბაჟოზე პროდუქტის ინსპექტირება, განბაჟება და საწყობამდე ტრანსპორტირება
- სასურველი პროდუქტის ექსპორტი კლიენტთან შეთანხმებული რეგულარობით
- გასაცემი პროდუქტების სპეციალური შეფუთვა სხვადასხვა ტემპერატურული რეჟიმით ტრანსპორტირებისთვის(ცივი ჯაჭვის რეჟიმი, სახიფათო ტვირთი და ა.შ)
- ვადაგასული საქონლის ამოღება საბოლოო მომხმარებლისაგან, აღწერა და შესაბამისი დოკუმენტაციით კარანტინში მოთავსება
- ვადაგასული საქონლის კანონმდებლობით დადგენილი წესით განადგურება
- პროდუქციის დაზღვევა